Aurora Group Қазақстандағы Teniz Resources бойынша геологиялық барлау жұмыстарын жалғастыруда

Aurora Group Орталық Қазақстанда орналасқан Teniz Resources жобасы бойынша геологиялық барлау жұмыстарын жалғастыруда. Жоба ірі шөгінді жыныстармен байланысты мыс кен орындарын (sediment-hosted copper) іздеуге бағытталған. Лицензиялық аумақтың жалпы ауданы 2 000 км² құрайды және солтүстік пен оңтүстік учаскелерді қамтиды.

Қазіргі уақытта Aurora Group командасы геохимиялық зерттеулердің бірінші кезеңін аяқтауға жақын. Бағдарлама аясында шамамен 7 000 геохимиялық сынама алу жоспарланған. Жұмыстардың мақсаты — геохимиялық аномалияларды анықтау, перспективалы учаскелерді нақтылау және аумақтың минералдық әлеуетін одан әрі бағалауға қажетті жаңа деректер алу.

Бағдарламаның келесі кезеңінде геофизикалық зерттеулер жүргізіледі. Бұл жұмыстар аумақтың геологиялық құрылымы туралы қосымша мәліметтер алуға және одан әрі іздеу жұмыстарына арналған перспективалы аймақтарды нақтылауға мүмкіндік береді. Геохимиялық сынамалау нәтижелерін, геофизикалық зерттеу деректерін және тарихи геологиялық материалдарды кешенді түсіндіру кейінгі геологиялық барлау кезеңдерін жоспарлауға негіз болады.

Қазіргі уақытта Aurora Group тарихи материалдарды талдаудан жүйелі далалық зерттеулер жүргізу кезеңіне көшуде. Геохимиялық сынамалау нәтижелері мен алдағы геофизикалық зерттеулер геологиялық модельді нақтылауға, басым іздеу нысандарын анықтауға және 2027 жылы далалық жұмыстардың келесі кезеңін жоспарлауға мүмкіндік береді.